完SEM有感

話咁快FALL SEM就過左啦.
呢個SEM可以話係我係科大咁多個SEM中(過左3個, 仲有可惡既3個)裡最唔開心既.
首先就係有一個近房親戚過左身.
雖然見面既次數都唔算太多, 但係始終都會唔開心.
願佢能在主的懷抱裡安息.
(突然發覺一件十分恐怖的事...我在科大三個sem, 先後有三個親戚離世...難道...)

另外自己又俾d好鬼死煩既野煩住...
終於有時撐不住, 而連累到身邊的朋友, 或不小心激嬲佢地.
真係對不起住&唔該哂.你地係我真正既朋友!

本來想大家都選好major, year2,可以大家一起hea一點.
因此我一開始都沒有怎麼摺拉.
然後?
就係俾d人屈機屈爆左.
mid-term都唔知咩事就幾乎科科below.
跟住先知呢個sem個個人都痴左,爆勤奮.
有人假扮唔摺, 有人擺明怒摺, 更加有人可以係你面前日日由早摺到晚都可以狡辯話自己從來未曾摺過.
結果顯而易見 - 我既成績一落千丈.
跟住我都抱著人摺我摺既心態強迫自己, 勉強自己.
本來心想最多唔夠人地咁強勁, 都夠踩mean掛.
點知事與願違, 連mean都無我份 (仲要below 唔少sd)
唔通我真係咁愚蠢?!遜人n籌?!

唉......唉....點解...無人肯俾一條半條生路我行?
係都要屈我屈到咁盡?
成績真係咁重要?!值得大家放棄全部?
就無人好似我咁, 想趁未返工之前好好"開心"一下?!

P.S.
依家先知科大藏龍伏虎, 隔離個個分分鐘可以係科科屈爆哂我機D"friend"...
有眼不識泰山之傻子者, 在下也. 看來我蠢得相當平均.